Gjatë muajve paraprakë ka pasur shumë thashetheme dhe spekulime rreth pajisjes së palosshme të Microsoftit, ndërsa më parë këtë muaj u sugjerua që kompania e prezantoi atë në mënyrë interne. Raporti i ri nga Forbes pohon se janë shfaqur informacione të reja rreth pajisjes, ndërsa si burim citohet kompania hulumtuese IHS Markit, raporton “Neowin”.
Sa i përket formatit të pajisjes, sugjerohet që pajisja do t’i ketë dy ekrane 9-inçëshe me raport të faqeve 4:3. Pritet që pajisja do ta përdorë 10nm Lakefield SoC të Intelit dhe do të jetë gjithmonë e lidhur me internet, dhe kjo lidhje mund të vijë në formën e LTE ose 5G. Natyrisht, pajisja do ta përdorte sistemin operativ Windows Core, shkruan KOHA Ditore.
Pjesa më e spikatur e raportit është ndoshta fakti se në pajisje do të mundë të ekzekutohen aplikacionet Android. Kjo sigurisht nuk është ndonjë ide e re, ndërsa ata që e ndjekin Windows 10 kanë dëgjuar për Projektin Astoria. Ky projekt është anuluar, por e dimë se buildet e reja të Windows 10 vijnë me një kernel të plotë Linux.
Forbes dhe Windows Central pajtohen për një termin të mundshëm për lansimin e pajisjes së re të palosshme PC dhe besojnë se kjo do të ndodhë gjatë gjysmës së parë të vitit 2020.
