Gjiganti teknologjik, Apple, ka njoftuar se i ka refuzuar gati një milion aplikacione që kërkuan të jenë pjesë e dyqanit “AppStore” për herë të parë më 2020.
Njoftimi është shenja e fundit se Apple po bëhet më transparente se si i miraton dhe refuzon aplikacionet e iPhonet si përgjigje kundër padisë së “Epic Games” dhe rregullatorëve të tjerë.
Apple përmes një liste ka ofruar statistika për procesin e aplikacioneve më 2020.
Ka refuzuar për herën e parë gati një milion aplikacione që aplikuan për herën e parë.
Ka refuzuar gati një milion përditësime.
48 mijë aplikacione janë fshirë për shkak të përdorimit të veçorive të fshehta, softuerë që Apple i përdor për qëllime të brendshme.
150 mijë aplikacione u hoqën për shkak të kopjimit të aplikacioneve tjera.
215 mijë aplikacione u hoqën sepse shkelnin privatësinë.
95 mijë u hoqën për shkak të mashtrimeve.
Apple ka hequr 470 mijë llogari të zhvilluesve për shkak të mashtrimeve.
