Komisioni Evropian ka ndaluar stafin ta përdorë aplikacionin kinez TikTok për arsye sigurie, në shembullin e fundit të tensioneve në rritje midis Pekinit dhe Perëndimit, shkruan Politico.
Qeveritë perëndimore janë të alarmuara nga provat se kompanitë kineze të teknologjisë po ndihmojnë Partinë Komuniste dhe shërbimet e saj të inteligjencës të mbledhin të dhëna në mbarë botën - me një fokus të veçantë në objektivat me vlerë të lartë politike dhe të sigurisë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNjë zyrtar i lartë ka thënë të enjten në mëngjes që i gjithë stafi u urdhërua ta fshinin TikTokun nga pajisjet e tyre zyrtare, por edhe nga pajisjet personale nëse kishin ndonjë aplikacion të lidhur me punën të instaluar në to.
Anëtarët e stafit duhet të fshijnë aplikacionet e biznesit nga pajisjet e tyre personale nëse këmbëngulin ta mbajnë TikTokun.
Institucione të tjera të Bashkimit Evropian, duke përfshirë Këshillin dhe Parlamentin, ka të ngjarë të ndjekin shembullin në ndalimin e aplikacionit kinez, megjithëse mund të duhet shumë më tepër kohë që Parlamenti Evropian të zbatojë një politikë të tillë.
Ndalimi pritet të shpallet publikisht në konferencën e rregullt të mesditës së Komisionit.
Shtetet e Bashkuara kanë ndaluar tashmë TikTokun në shumë pajisje qeveritare, ndërsa Holanda po shqyrton të njëjtën gjë.