Intel i ka publikuar specifikimet e procesorëve të gjeneratës së nëntë të serisë Core H, edhe pse kompania nuk po planifikonte që detajet të bëheshin publike. Core i9-9980HK do të jetë model premium, por do të jetë gjithashtu i vetmi procesor mobil i cili mund të overclockohet.
Procesori Core i9-9980HK i ka 16 MB L3 cache dhe arrin takt prej 5GHz. Modeli I9-9880H, i cili nuk mund të overclockohet, ka gjithashtu cache L3 dhe e arrin një takt punues prej 4.8GHz.
Dokumentacioni i Intelit i tregon edhe procesorët i7-9850H dhe i7-9750H me 12MB L3 cache dhe takt maksimal punues prej 4.6GHz. Pastaj janë edhe modelet i5-9400H dhe i5-9300H me 8MB L3 cache dhe takt pune prej 4.3GHz dhe 4.1GHz.
Numri i bërthamave në procesorë duket të jetë i ngjashëm me linjën desktop, nga tetë për modelet i9 dhe i7 dhe nga gjashtë për procesorët i5. Ende nuk dihet se kur do të shfaqen procesorët mobil në treg.
-
Intel: CPU-të e ardhshëm të serisë H do të kenë shpejtësi prej mbi 5GHz
-
Inteli sjell edicionin e kufizuar të procesorit i9-9900KS
-
Intel Core i9-9900KS mund t’i arrijë 5GHz nga të tetë bërthamat
-
Gjenerata e nëntë e procesorëve të Intel Core Mobile me deri tetë bërthama dhe shpejtësi deri në 5GHz
-
Intel Core i9-9990XE i ri vjen me më pak bërthama, por me takt më të madh