Platforma e njohur e dizajnit grafik, Canva, është goditur nga një ndërprerje të enjten, duke lënë mijëra përdorues pa mundësi për të hyrë apo edituar dizajnët, fotot, videot dhe projektet e tyre.
Ankesat u shfaqën në “Downdetector” dhe në rrjetet sociale, ku përdoruesit treguan se faqja dhe aplikacioni i Canvas nuk po funksiononin.
Përdoruesit kanë thënë se po kanë probleme me hyrjen në llogari, ngarkimin e faqeve dhe qasjen te punët e ruajtura e të tjera veçori.
Ende nuk ka pasur reagim nga Canva.
Edhe gjatë ditës së djeshme janë raportuar probleme me platformën.
Artikuj të ngjashëm
