Përqindja e baterisë në telefonat e gjigantit teknologjik, Apple, do të rikthehet te telefonat e rinj të kompanisë, është bërë e ditur me lansimin e versionit beta 5 të sistemit operativ iOS 16.
Që nga viti 2017, me lansimin e iPhone X, u hoq mundësia që përdoruesit ta shohin përqindjen e baterisë në faqen kryesore të ekranit. Këtë mund ta bënin vetëm duke “tërhequr” atë që njihet si Qendër Kontrolli. Me lansimin e sistemit të ri operativ, kjo ndryshon.
Tash me të, përdoruesit mund të hyjnë në “Settings-Battery” dhe të zgjedhin opsionin e shfaqjes së përqindjes.
Lista e telefonave që do të preken nga ndryshimi:
• iPhone 13 Pro Max
• iPhone 13 Pro
• iPhone 13
• iPhone 12 Pro Max
• iPhone 12 Pro
• iPhone 12
• iPhone 11 Pro Max
• iPhone 11 Pro
• iPhone XS Max
• iPhone XS
• iPhone X
