31-vjeçari Akani Simbine është njëri prej njerëzve më të shpejtë në botë dhe vazhdimisht garën e 100 metrave vrapim e përfundon me kohën nën dhjetë sekonda.
Në Grand Prixin e Botsuanas, ai theu një rekord të vendosur nga ikona e mbretëreshës së sporteve, Usain Bolt, që tani është 38-vjeçar.
Simbine e fitoi garën me kohën 9.90 sekonda.
Megjithatë, nuk e ka thyer rekordin botëror të Boltit për shpejtësi, të vendosur në vitin 2009, kur e përfundoi garën për 9.58 sekonda.
Por Simbine ka thyer një rekord tjetër.
Edhe
18-vjeçari Gout shkruan histori në sprint, kalon Boltin në këtë moshë
Për 11 vjet rresht, Simbine ka vrapuar në 100 metra me kohën nën dhjetë sekonda, ndërsa superylli Bolt, e ka arritur një gjë të tillë në dhjetë raste.
Federata e Atletikës e Afrikës së Jugut ka reaguar për këtë të arritur në rrjetet sociale.
“Përgjatë një dekade me vrapime të vazhdueshme nën dhjetë sekonda në 100 metra dhe Akani Simbine është gjithnjë e më i mirë”, ka shkruar Federata e Atletikës e Afrikës së Jugut.
Por Simbine ende është larg të arriturave të Boltit.
Edhe
Bolti planifikon kthimin në Olimpiadë, por në një sport tjetër
Bolti ka tetë medalje të arta olimpike, ndërsa atleti nga Afrika e Jugut ende nuk e ka asnjë titull në Olimpiadë.
Në Lojërat Olimpike në Paris, Simbine e fitoi të argjendtën në garën e stafetës 4x100 metra.
