Rahoveci e ka fituar edhe gjysmëfinalen e dytë ndaj Prishtinës dhe kështu është kualifikuar në finale të plejofit në Superligën e Kosovës në hendboll.
“Vreshtarët” të shtunën në kryeqytet e mposhtën Prishtinën me rezultatin 47:35.
Rahoveci edhe në kuadër të gjysmëfinales së parë e mposhti Prishtinën me rezultatin 47:30.
Te Rahoveci më të dalluarit ishin Adonit Isufi e Ardit Tafilaj me nga tetë gola.
Shtatë gola i kishte Alban Haziri. Te Prishtina u veçua Albi Gjuka me 12 gola kurse Oltion Beshiri i realizoi nëntë gola.
Rahoveci e përfundoi stinorin e rregullt në pozitën e parë kurse Prishtina në vendin e katërt.
