Historisë së skijimit alpin i është shtuar edhe një kapitull i zi. Shpresa e skijimit italian, Matteo Franzoso ka vdekur si pasojë e lëndimeve të rënda që mori në një rrëzim të rrezikshëm gjatë stërvitjeve.
Franzoso vdiq në moshën 25-vjeçari, pasi u rrëzua gjatë stërvitjeve në Kili, të shtunën.
Skitari ishte në komë artificiale, ndërsa vdiq të hënën. Ai ka pësuar lëndime të shumta në kokë. Që kur u dërgua në spital, gjasat që skitari t’u mbijteonte plagëve ishin të vogla.
Ai humbi betejën në praninë e prindërve dhe vëllait, një ditë para ditëlindjes së 26-të.
Olimpisti Alan Perathoner, e ka njohur mirë skitarin e ndjerë. Ai është shumë kritik për masat e sigurisë në sportin e skijimit.
“Thjesht nuk mund të ndodhë që një barrierë piste të ofrojë kaq pak rezistencë sa një skitar garash të përfundojë në një strukturë prej druri, si në rastin e Matteos”, ka thënë Perathoner.
Edhe
Skitari italian në komë artificiale pas rrëzimit të rrezikshëm
Ai ka shtuar se në skijim ka më shumë aksidente fatale se në Formula 1 dhe Moto GP dhe se drejtuesit e skijimit nuk kanë mësuar asgjë nga masat që i morën në dy sportet e shpejtësisë.
Në dhjetë muajt e fundit Italia ka humbur edhe dy skitarë të talentuar, 18-vjeçarin Marco Degli Uomini dhe Matile Lorenzin (19).
