Granit Xhaka dhe Arsenali kanë mbyllur në mënyrën më të mirë të mundshme vitin 2022 në Premier League.
“Topçinjtë” kanë fituar 4:2 si mysafirë të Brightonit për të ikur edhe më larg në krye të tabelës.
Bukayo Saka hapi serinë e golave. Pas tij shënuan edhe Martin Odegaard në pjesën e parë, ndërsa në të dytën realizuan Eddie Nketiah dhe Gabriel Martinelli. Për Brightonin golat i realizuan Mitoma dhe Fergusoni.
Mesfushori shqiptar, Granit Xhaka, ishte i padiskutueshëm në ekipin e Mikel Artetas për 90 minuta.
Pas 16 ndeshjeve, Arsenali prin me 43 pikë, 7 më shumë se ndjekësi i parë, Manchester City.
