West Ham Unitedi po kërkon të paktën 100 milionë euro për ta lënë të lirë mesfushorin Declan Rice, i cili ka tërhequr vëmendjen e skuadrave të mëdha angleze. Rice është njëri prej mesfushorëve më të vlerësuar në Premier League dhe po kërkohet me ngulm nga Chelsea, Manchester Unitedi e Manchester City.
22-vjeçari ka kontratë me West Hamin deri në vitin 2024 dhe ekipi londinez është i gatshëm ta lë të lirë gjatë janarit për shumën që tashmë e ka caktuar për mesfushorin.
Rice këtë edicion ka një asistim në katër ndeshje kampionale për West Hamin kurse ka edhe 26 paraqitje dhe dy gola të shënuar për Përfaqësuesen e Anglisë.
