West Ham Unitedi ka shfaqur interesim për Gianluca Scamaccan, që shihet si alternativa më e duhur nëse nuk arrihet transferimi i Armando Brojës, sulmuesit të Chelseat.
“Calciomercato” ka shkruar të mërkurën se sulmuesi që përfaqëson Shqipërinë, Broja, nuk mund të arrihet.
Kështu, skuadra e Premier Leagues ka hedhur sytë nga sulmuesi i Sassuolos, Scamacca, ndërsa është thënë po ashtu se klubi anglez ka bërë ofertë verbale prej 40 milionë eurosh.
Sassuolo për shërbimet e Scamaccas kërkon dhjetë milionë euro më shumë.
Në sezonin e kaluar ai realizoi 16 gola dhe pati një asistim në 38 ndeshje të luajtura.
