Sulmuesi Gianluca Scamacca pritet të largohet nga West Ham Unitedi pas vetëm një sezoni në Angli, ka shkruar “Tuttomercatoëeb” të martën. Bëhet e ditur se Scamacca ka kërkuar largimin nga ekipi londinez për shkak se nuk ka arritur të adaptohet në futbollin e Anglisë.
Ai iu bashkua West Hamit para fillimit të këtij sezoni nga Sassuolo dhe deri më tani ka shënuar vetëm 8 gola në 27 paraqitje në të gjitha garat.
Scamacca 24-vjeçar ka kontratë me West Hamin deri në vitin 2027, me opsionin e vazhdimit edhe për një vit tjetër, ndërsa kartoni i tij vlerësohet rreth 40 milionë euro. Ai iu bashkua West Hamit për 36 milionë euro, ndërsa tashmë ka tërhequr interesimin e Juventusit dhe Interit.
