Ukraina është kualifikuar në Kampionatin Evropian që mbahet në Gjermani nga qershori.
Ukrainasit siguruan biletën e Evropianit pasi mposhtën Islandën 2:1 të martën, në ndeshjen e vlefshme për Rrugën C të plejofit.
Islanda shënoi golin e epërsisë në minutën e 30-të me Albert Gudmundssonin.
Por Ukraina përmbysi gjithçka në pjesën e dytë.
Fillimisht, Viktor Tsygankovi në minutën e 54-t barazoi rezultatin, ndërsa Mykhailo Mudryk në të 84-n i dhuroi kualifikimin Ukrainës.
Ukraina do të jetë në Grupin E bashkë me Rumaninë, Belgjikën dhe Sllovakinë.
