Uellsi ka fituar përballë Finlandës 4:1 të enjten mbrëma në gjysmëfinale të plejofit për Kampionatin Evropian që organizohet këtë verë në Gjermani.
Uellsi nuk hasi në probleme përballë finlandezëve, por vështirë do ta ketë në finale të martën kundër Polonisë.
David Brooks në minutën e tretë dhe Neco Williams në minutën e 38-të shënuan për 2:0. Teemu Pukki në minutën e 45-të e ngushtoi epërsinë.
Brennan Johnson dy minuta pas pushimit dhe Daniel James në minutën e 86-të, i shënuan dy golat e fundit në ndeshjen e zhvilluar në Cardiff.