Tenisti Stefanos Tsitsipas ka zënë vend në finalen e turneut Grand Slam “Australian Open”. Ai të premten fitoi ndaj rusit, Karen Khachanov.
Khachanov ishte bartës i 18-të i turneut.
Tsitsipas, që synon ta fitojë turneun e parë Grand Slam, humbi dy herë mundësinë për ta fituar setin e tretë dhe ta mbyllte ndeshjen.
Fitoi më pas 3:1 në sete, 7:6, 6:4, 6:7 dhe 6:3.
Në finale greku Tsitsipas do të luajë kundër serbit Novak Gjokoviq, që fitoi ndaj amerikanit Tommy Paul.
Fituesi do ta marrë vendin e parë në renditjen e përgjithshme botërore.