Bartësi i katërt i turneut, Stefanos Tsitsipas, fitoi kundër Benoit Paire në një ndeshje që nuk doli të jetë e lehtë për të. Tsitsipas avancoi në raundin e katërt në turnein “Australian Open”, pas fitores 3:1 në sete kundër Paires, 6:3, 7:5, 6:7 dhe 6:4.
Tani do të luajë kundër Taylor Fritzit.
Tsitsipas ishte nënkampion në “French Open”, ndërsa shkoi deri në gjysmëfinale vitin e kaluar në Australi.
Fritzi, bartësi i 20-të i garës fitoi 6:0, 3:6, 3:6, 6:4 dhe 6:3 kundër Roberto Bautista Agutit.
Në raundin e katërt të këtij turneu u kualifikua për herën e parë në karrierë.
Amerikani 24-vjeçar, që merr pjesë në “Australian Open” për herën e gjashtë, regjistroi vetëm fitoren e dytë nga shtatë ballafaqime të ndërsjella me Bautista Agutin, spanjollin 33-vjeçar.
Një tjetër amerikan 24-vjeçar, Maxime Cressy, po ashtu u kualifikua në raundin e katërt për herën e parë në karrierë.
Edhe
Tsitsipas kalon në gjysmëfinale të “Australian Open”
Cressy fitoi kundër australianit që mori pjesë me ftesë në këtë turne, Chris O’Connell, 6:2, 6:7, 6:3 dhe 6:2.
Në raundin tjetër, përballë do ta ketë kampionin e “U.S Open”, Daniil Medvedev.
Felix Auger-Aliassime fitoi 6:4, 6:1 dhe 6:1 kundër Dan Evans.
