Tottenhami ka kompletuar nënshkrimin e mesfushorit 25-vjeçar nga Brightoni, Yves Bissouma.
Lajmi është bërë i ditur nga faqja zyrtare e klubit anglez, të premten.
Bissouma ka nënshkruar kontratë katërvjeçare me klubin londinez.
Tottenhami për t’i siguruar shërbimet e Bissoumas ka paguar dëmshpërblim prej 30 milionë eurosh, plus bonuset.
Ai bëhet nënshkrimi i tretë i verës te londinezët pas portierit Fraser Forster dhe sulmuesit të krahut, Ivan Perishiq.
