Trajneri i ri i Manchester Unitedit, Erik Ten Hag, është i interesuar ta mbajë në skuadër Cristiano Ronaldon.
Ndryshe nga çka u shkrua në medie javët e funfit, “Daily Telegraph” raportoi të premten se holandezi llogarit në portugezin për sezonin e ardhshëm.
Ten Hag që do ta marrë drejtimin e Unitedit në fund të sezonit, e sheh Ronaldon si lojtar kyç të skemave të tij për sezonin e ri.
Ylli portugez po kalon në formë fantastike këtë edicion, ku ka shënuar 24 gola.
Ronaldo ka kontratë me “Djajtë e Kuq” deri në vitin 2023.
