Portieri Yann Sommer është larguar nga kampi i Përfaqësueses së Zvicrës dhe është rikthyer tek Interi pas lëndimit në nyjën e këmbës.
35-vjeçari e ka lënë fushën në minutën e 37-të në miqësoren ndaj Danimarkës të shtunën mbrëma.
Ai u zëvendësua nga Yvon Mvogo dhe dukej që kishte dhimbje teksa dilte nga fusha.
Sommer ka qenë prej figurave kryesore të skuadrës së Interit, që drejtohet nga Simone Inzaghi.
Për largimin e tij ka treguar edhe Federata e Futbollit e Zvicrës, ndërsa Sommer është zëvendësuar nga Jonas Omlin.
Tek Interi aktualisht të lënduar janë edhe Juan Cuadrado, Marko Arnautoviq dhe Stefan de Vrij.
Sommer në edicionin aktual e ka mbajtur portën e paprekur në 23 ndeshje, ndërsa ka pranuar 18 gola në 3360 minuta përgjatë 37 paraqitjeve.
Artikuj të ngjashëm