Simon Kjaer ka thënë se është i hapur për vazhdimin e kontratës me Milanin.
Ai gjatë grumbullimit me Danimarkën ka theksuar se është afër rinovimit të kontratës që i skadon në verën e vitit të ardhshëm.
“Unë jam afër rinovimit me Milanin, por jam edhe jashtëzakonisht më i lumtur që luaj për ‘Rossonerët’. Ndihem mirë, më pëlqen të luaj dhe të shijoj jetën në Milano. Klubi e di pozicionin tim. Kur të jenë gati mund të më telefonojnë”, ka thënë Kjaer.
Mbrojtësi 32-vjeçar te skuadra kuqezi luan që prej janarit të vitit të kaluar. Reprezentuesi i Danimarkës me fanellën e Milanit ka luajtur 63 ndeshje, ndërsa ka shënuar një gol dhe ka asistuar dy herë.
Artikuj të ngjashëm