Симон Кјаер изјави дека е отворен за продолжување на договорот со Милан.
На собирот со Данска тој истакна дека е блиску до обновување на договорот кој му истекува на лето следната година.
„Блиску сум до подновување со Милан, но уште посреќен сум што играм за Росонерите. Се чувствувам добро, сакам да играм и да уживам во животот во Милано. Клубот ја знае мојата позиција. Кога ќе бидат подготвени, можат да ми се јават“, изјави Кјаер.
32-годишниот дефанзивец настапува за црвено-црниот тим од јануари минатата година. Репрезентативецот на Данска со дресот на Милан одигра 63 натпревари на кои постигна еден гол и двапати асистираше.
