Trajneri Diego Simeone do të mbetet në krye të Atletico Madridit edhe për një periudhë të gjatë.
Ai ka rinovuar kontratën me klubin spanjoll, e cila do të bëhet zyrtare këtë javë, ka njoftuar të martën e përditshmja “AS”. Me rinovimin e kontratës që i skadonte vitin tjetër, Simeone do të jetë trajneri i ekipit të La Ligas deri në verën e vitit 2027.
Te klubi spanjoll janë të kënaqur me punën e 53-vjeçarit, të cilin kanë insistuar ta mbajnë më gjatë në ekip. Krahas rinovimit të kontratës, Simeones i është rritur edhe paga, por që detajet nuk janë bërë të ditura.
Simeone është trajneri i Atleticos prej dhjetorit të vitit 2011 dhe nën drejtimin e tij, klubi ka fituar tetë trofe, përfshirë dy tituj kampioni të Spanjës.
