Ndeshja e kampionatit të Rumanisë në mes të Dinamo Bukureshtit dhe Chindia Targoviste është shtyrë pasi një zyrtar i Dinamos është testuar pozitiv për koronavirus. Kjo është bërë e ditur të enjten nga liga rumune.
Është rasti i parë me COVID-19 në futbollin rumun. Deri të enjten në Rumani janë konfirmuar 21 mijë raste me koronavirus, ndërsa 1369 persona kanë humbur jetën.
Ndeshja e Dinamos me Chindian është dashur të luhet të shtunën si pjesë e plejofit. Liga ka njoftuar se ndeshjet e Dinamos mund të shtyhen deri në përfundim të hetimit epidemiologjik.
Kampionati në Rumani rifillon të premten.
Artikuj të ngjashëm