Takimi i Evertonit në udhëtim te Burnely i paraparë të zhvillohet në fundjavë është shtyrë për shkak të përhapjes së koronavirusit te skuadra nga “Merseyside”.
Evertoni kishte bërë kërkesë paraprakisht për shtyrjen e ndeshjes, por që ishte refuzuar të enjten, pavarësisht se trajneri Rafael Benitez kishte njoftuar se ka vetëm nëntë lojtarë të gatshëm për lojë.
“Ndeshja e Premier Leagues në udhëtim te Burnley në ‘Boxing Day’ është shtyrë për shkak të numrit të madh të rasteve me Covid dhe lëndimeve në skuadrën tonë”, thuhet në njoftimin e Evertonit të premten.
Ndeshjet tjera të fundjavës që u shtynë po ashtu janë edhe ajo ndërmjet Liverpoolit e Leedsit dhe Wolverhamptonit e Watfordit.
