Përfaqësuesja e Katarit ka pësuar humbjen e dytë në po aq ndeshje të luajtura në fazën e grupeve të Kupës së Botës. Katari, të premten u mposht nga Senegali me rezultatin 2:0 në kuadër të Grupit A.
Me këtë humbje, Katari u eliminua nga Kupa e Botës edhe pse ka edhe një ndeshje për ta luajtur në fazën e grupeve.
Pas dy ndeshjeve nuk e ka asnjë pikë, pasi edhe në duelin e parë u mposht nga Ekuadori me rezultatin 2:0. Në anën tjetër, për Senegalin kjo ishte fitorja e parë në këtë turne pas disfatës që e pësoi ditë më parë nga Holanda 2:0.
Senegali golin e parë të ndeshjes e shënoi në fund të pjesës së parë. Në minutën e 41-të, Boulaye Dia përfitoi nga një gabim në mbrojtjen e Katarit për të zhbllokuar rezultatin. Në pjesën e dytë, Senegali shënoi edhe dy gola tjerë. Famara Diuedhiuo në minutën e 48-të dhe Bamba Dieng në të 84-tën, realizuan për rezultatin final të ndeshjes.
Ndërkohë, golin e nderit për Katarin, e shënoi Mohammed Muntari në minutën e 78-të me kokë.
Për Katarin, që debuton në Botëror, ky ishte edhe goli i parë në këtë turne të madh futbolli.
Senegali ka shënuar edhe golin e tretë ndaj Katarit për ta kthyer epërsinë prej dy golave që e kishte më herët.
Golin e tretë për Senegalin ndaj Katarit, e shënoi Bamba Dieng.
Ai shënoi në minutën e 84-të nga afërsia pas harkimit që e mori nga krahu.
Katari ngushton epërsinë e Senegalit
Futbollistët e Katarit kanë shënuar gol në duelin kundër Senegalin, ku rezultati aktual është 2:1 në favor të senegalezëve.
Rezultatin për Katarin në këtë ndeshje të Grupit A, e ngushtoi rezervisti Mohammed Muntari.
Ai shënoi në minutën e 78-të me kokë.
Për Katarin, ky është edhe goli i parë në Kampionatin Botëror.
Senegali dyfishon epërsinë
Përfaqësuesja e Senegalit po shkon drejt fitores së parë në Kupën e Botës.
Me të filluar pjesa e dytë kundër Katarit, Senegali ka dyfishuar epërsinë.
Golin e dytë për Senegalin, e shënoi Famara Diedhiou në minutën e 48-të.
Ndeshja mes Katarit dhe Senegalit, i takon Grupit A.
Senegali në epërsi pas pjesës së parë
Ka përfunduar pjesa e parë në ndeshjen mes Katarit dhe Senegalit, që i takon xhiros së dytë të Grupit A.
Pas 45 minutave, rezultati është 1:0 në favor të Senegalit.
Golin e vetëm në këtë pjesë dhe që i dha epërsinë Senegalit, e shënoi sulmuesi Boulaye Dia në minutën e 41-të.
Dia përfitoi nga një gabim i mbrojtësit të Katarit në zonë për ta zhbllokuar rezultatin e ndeshjes.
Senegali në avantazh ndaj Katarit
Përfaqësuesja e Senegalit ka kaluar në epërsi ndaj Katarit në ndeshjen e Grupit A që po zhvillohet në “Al Thumama Stadium”.
Rezultati u zhbllokua në minutën e 41-të kur Boulaye Dia shënoi përtoke nga afërsia.
Ai shfrytëzoi një gabim të mbrojtësit të Katarit, i cili nuk arriti ta largoj topin si duhet.
Për Senegalin, ky është edhe goli i parë në këtë Botëror.