Samir Sahiti është dhurata e parë e drejtuesve të Vëllaznimit për trajnerin e ri, Ismet Munishin.
Mbrojtësi mitrovicas ka nënshkruar me skuadrën gjakovare për një vit.
Sahiti sezonin e fundit ishte pjesë e Trepçës që përfundoi e parafundit.
28–vjeçari luajti në 29 nga 33 xhirot e kampionatit derisa ka shënuar edhe 2 gola.
Në karrierën e tij, Sahiti ka luajtur edhe për Trepçën ’89, Hysin, Drenicën, Ferizajn, Skënderbeun e Bylisin në Shqipëri dhe Renovën në Maqedoni.