Loret Sadiku ka asistuar në fitoren e Hammarbyt të shtunën gjatë ditës, në kuadër të xhiros së katërt të elitës së futbollit të Suedisë.
Hammarby mposhti në shtëpi skuadrën e Varbergut me rezultatin 2:0.
Sadiku asistoi për golin e dytë, tre minuta pasi skuadrat u kthyen në fushë pas pushimit.
Për 31-vjeçarin ishte asistimi i parë i edicionit të ri në “Allsvenskan” të Suedisë.
Sadiku e kompletoi ndeshjen te vendësit, kurse Ismet Lushaku te Varbergu u inkuadrua në lojë në minutën e 75-të.
Hammarby në katër ndeshje ka dy fitore dhe dy disfata.
Aktualisht ka gjashtë pikë në mesin e tabelës.
Artikuj të ngjashëm