Roma pret ta shesë për 100 milionë euro, Tammy Abrahamin gjatë verës së këtij viti, shkruan “Daily Mail”.
Interesim për sulmuesin anglez kanë shprehur disa skuadra të Premier Leagues.
Kalimi i 24-vjeçarit te Roma ka dalë i suksesshëm. Ai ka shënuar 23 gola në 39 ndeshje për skuadrën e drejtuar nga Jose Mourinho.
Chelsea ka një klauzolë kthimi prej 67 milionë euro, por kjo nuk do të aktivizohet deri në verën e vitit 2023.
Sulmuesi i Përfaqësueses së Anglisë me klubin italian ka kontratë deri në qershor të vitit 2026.
