Skuadra e Romës ka bërë gati ofertën për mesfushorin e Portos, kolumbianin Luis Diaz, kanë njoftuar të martën mediumet portugeze.
Bëhet e ditur se Roma është e gatshme të ofrojë 25 milionë euro dëmshpërblim për 24-vjeçarin.
Diaz iu bashkua Portos në vitin 2019, por impresionoi me paraqitje të mira te Kolumbia në Copa America.
Sezonin e shkuar, Diaz shënoi 11 gola dhe bëri gjashtë asistime në 47 ndeshje për Porton në të gjitha garat. Ai ka kontratë me Porton deri në verën e vitit 2024.
