Real Madridi ka shprehur interesim për mesfushorin e Tottenhamit, francezin Tanguy Ndombele, ka raportuar të premten “Football Insider”. Bëhet e ditur se Reali po insiston në transferimin e tij në fund të këtij edicioni pasi mesfushori është i gatshëm të largohet nga Angli. Për kartonin e tij, madrilenët janë të gatshëm të ofrojnë rreth 50 milionë euro dëmshpërblim.
Ndombele po shihet si përforcim i duhur për mesfushën në sezonin e ardhshëm dhe te Reali po besojmë se mund të arrijnë marrëveshje me Tottenhamin para fillimit të “Euro 2020”. Ndombele 24-vjeçar iu bashkua Tottenhamit para dy vjetësh nga Lyoni dhe me ekipin anglez ka kontratë deri në verën e vitit 2025. Këtë edicion, Ndombele ka shënuar gjashtë gola dhe ka asistuar katër herë në 44 ndeshje në të gjitha garat.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo