KESCO ka apeluar për shfrytëzim efikas të energjisë, duke deklaruar se në periudhën 1 shtator – 31 tetor, konsumi i energjisë elektrike është rritur për 4.1 për qind krahasuar me periudhën e njëjtë të vitit të kaluar. Ndërsa ditët e para të nëntorit, sipas KESCO-s tregojnë një rritje shtesë prej afro 25% krahasuar me muajin paraprak.
Derisa është kërkuar kursim, KESCO ka thënë se kjo nuk nënkupton heqjen dorë nga ngrohja apo rehatia, por shmangien e konsumit të panevojshëm.
“Mbajtja e temperaturave të arsyeshme në ambientet e banimit, ngrohja e hapësirave që përdorim, shfrytëzimi efikas i pajisjeve elektrike dhe fikja e tyre kur nuk nevojiten janë veprime të thjeshta që mund të sjellin ndryshim. Përdorimi i kujdesshëm i energjisë ndihmon në uljen e shpenzimeve familjare, në zvogëlimin e ngarkesës gjatë periudhave të konsumit të lartë dhe në shfrytëzimin më efikas të burimeve energjetike”, thuhet në komunikatë.
KESCO u ka bërë thirrje të gjithë konsumatorëve që gjatë këtij dimri ta përdorin energjinë elektrike me kujdes, duke shmangur shpenzimet e panevojshme.
-
KESCO kërkon rritje të çmimit të rrymës rreth 21%
-
KESCO: Temperaturat e ulëta po rrisin ndjeshëm konsumin e rrymës, po detyrohemi të importojmë
-
KESCO bën thirrje për kursim, thotë se në dy ditët e fundit rreth 50% e konsumit u mbulua nga importi
-
KESCO kërkon nga qytetarët të kursejnë energjinë elektrike
-
Nga 1 shtatori aplikohet edhe tarifa e rikyçjes me energji elektrike për konsumatorët e shkyçur