Paris Saint-Germaini ka kaluar në gjysmëfinale të Kupës së Francës dhe i është bashkuar Lyonit, Rennesit e Valenciennesit.
PSG-ja të mërkurën mbrëma fitoi 3:1 ndaj Nicet.
Kylian Mbappe shënoi gol të bukur pas bashkëveprimit të mirë me Fabian Ruizin në minutën e 14-të.
Ruiz më pas shënoi vet për 2:0 në minutën e 33-të.
Gaetan Laborde e ngushtoi epërsinë në minutën e 37-të, por braziliani Lucas Beraldo, e vendosi rezultatin final të ndeshjes pas një ore lojë.
Në gjysmëfinale, PSG-ja ballafaqohet me Rennesin në fillim të muajit prill.
