Ponte Prizreni ka fituar derbin e kreut të renditjes së Superligës ndaj Golden Eagle Yllit me rezultatin 92:76.
Me këtë fitore ekipi i udhëhequr nga trajneri Arbnor Rifati prin në renditjen tabelore me 37 pikë të tubuara.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoÇereku i parë i ndeshjes u fitua nga mysafirët me rezultatin 23:19. Edhe periudha e dytë ishte e baraspeshuar me të dyja ekipet që shënonin nga secila pozitë. Prizrenasit arritën që në pushim të shkonin me tri pikë dallim 44:41.
Çereku i tretë ishte vendimtar. Skuadra e Prizrenit, fal efikasitetit dhe mbrojtës së fortë të aplikuar arriti ta fitojë këtë çerek 25:15, për të hyrë në periudhën e fundit me epërsi prej 14 pikëve dallim 67:53.
Epërsinë e lartë të krijuar arritën ta menaxhonin mirë në 10-të minutat e fundit për të shënuar fitore me rezultatin 92:76.
Tek Prizreni me lojë të mirë u dallua Urim Zenelaj, që ndeshjen e mbylli me dyshifror të dyfishtë prej 18 pikëve dhe 14 kërcimeve, i ndihmuar edhe nga Kwame Vaughn, që shtoi 23 pikë shtatë kërcime e katër asistime.
Tek Ylli u dallua Erjon Kastrati me 22 pikë, pesë kërcime dhe katër asistime.