Manchester City do të tentojë që ta transferojë Paul Pogban në verë si futbollist të lirë, ka shkruar “BBC” të shtunën.
Trajneri i Cityt, Pep Guardiola, është duke kërkuar një futbollist për qendrën e mesfushës pasi Fernandinho do të largohet nga skuadra, ndërsa futbollisti i Manchester Unitedit shihet si i duhuri për atë pozitë.
City u tërhoq nga gara për ta transferuar Declan Ricen e West Hamit, për shkak se transferimi i tij mund ta kalojë shifrën e 100 milionë funteve.
Nëse francezi transferohet te skuadra tjetër e Manchesterit, do të ishte i ngjashëm sikur rasti i Carlos Tevezit në vitin 2009.
Tevezi nuk e vazhdonte kontratën dhe më pas iu bashkua Cityt.