Tensionet u rritën në ndeshjen e dytë të Iranit në Kupën e Botës të premten, pasi tifozët që mbështesin qeverinë iraniane ngacmuan ata që protestonin kundër saj dhe sigurimi i stadiumit sekuestroi flamuj, fanella dhe sende të tjera që shprehin mbështetje për lëvizjen protestuese që ka kapluar Republikën Islamike.
Disa tifozë u ndaluan nga sigurimi i stadiumit që të sillnin flamuj persianë në ndeshjen kundër Uellsit në stadiumin “Ahmad Bin Ali”.
Të tjerët që mbanin flamuj të tillë ua hoqën nga duart tifozët pro-qeveritar iranian, të cilët i fyenin ata që kishin veshur fanella me fjalët e lëvizjes protestuese që ka mbërthyer vendin, "Gruaja, Jeta, Liria".
Ndryshe nga ndeshja e tyre e parë kundër Anglisë, lojtarët iranianë kënduan himnin e tyre kombëtar përpara ndeshjes me Uellsin, ndërsa disa tifozë në stadium qanin, fishkëllenin dhe brohoritnin.