Tifozët e buzëqeshur amerikanë dhe iranianë u bashkuan dhe pozuan për fotografi jashtë stadiumit në Doha, para ndeshjes shumë të ngarkuar politikisht mes dy përfaqësueseve. Ndeshja luhet sonte prej orës 20:00.
Sipas AP-së, atmosfera pranë stadiumit ishte kryesisht festive, me gjithë ndarjet e mëdha politike mes dy vendeve. Ka ndare politike edhe mes tifozëve iranianë dhe kjo është parë në ndeshjet e kaluara.
AP ka shkruar se një tifoz iranian ka goditur me shuplakë një tifoz tjetër të Iranit. Dhe kjo është dëshmi për ndarjet e mëdha mes iranianëve aktualisht. Disa mbështesin pushtetin aktual e të tjerë janë pro protestave që po mbahen në këtë vend.
