Leart Paqarada humbi penalltinë për skuadrën e St. Paulit në Bundesliga 2.
Paqarada ishte titullar në barazimin e St. Paulit dhe Paderbornit 2:2 të shtunën, ndeshje që i takoi xhiros së gjashtë të kampionatit të rangut të dytë gjerman.
Paqarada ishte titullar dhe e kompletoi ndeshjen, ndërsa penalltinë e humbi në minutën e 50-të të ndeshjes. Pati mundësinë për ta barazuar rezultatin në 1:1, por nuk e shfrytëzoi.
Në stol te St. Pauli ishte Betim Fazliji.
Te Paderborni, Florent Muslija luajti deri në minutën e 80-të.
Paderborni është lider me 13 pikë, aq sa ka edhe Darmstadti i vendit të dytë pas gjashtë ndeshjeve.
St. Pauli ka tetë pikë në mesin e tabelës.
