Përfaqësuesja e Norvegjisë ka shënuar fitore të thellë të dielën në Botërorin e futbollisteve.
Norvegjia mposhti Filipinet me rezultatin 6:0, në ndeshjen që u zhvillua në stadiumin “Eden Park” të Aucklandit në Zelandën e Re.
Sophie Roman Haug shënoi “hat-trick”. Golit të parë e të dytë iu gëzua në minutën e gjashtë dhe të 17-të.
Caroline Hansen realizoi në minutën e 31-të, kurse Alicia Barker shënoi autogol në minutën e 48-të.
Për 5:0 realizoi Guro Reiten në minutën e 53-të. Nga minuta e 67-të, Filipinet mbetën pa Sofia Harrisonin që u ndëshkua me të kuq.
Edhe
Dembele shkëlqen me “hat-trick”, Franca fiton grupin
Ndërkohë golit të tretë personal dhe të gjashtit të Norvegjisë, Haug iu gëzua në minutën e pestë të kohës shtesë.
Norvegjia e kalon fazën e grupeve nga vendi i dytë me katër pikë. Katër pikë i ka edhe Zelanda e Re në pozitën e tretë, por me goldallim më të dobët. Filipinet eliminohen me tri pikë, në vendin e fundit.
Grupin A e ka fituar Zvicra, që ka grumbulluar pesë pikë.
Zvicra të dielën barazoi pa gola me Zelandën e Re.
Në Grupin H, Kolumbia e mposhti Gjermaninë 2:1, që ishte një prej fitoreve më befasuese në Botërorin për futbolliste.
Edhe
Haaland shënon dy gola për kualifikimin e Norvegjisë
Linda Caicedo shënoi në minutën e 52-të për epërsinë e Kolumbisë, kurse Alexandra Popp, barazoi shifrat një minutë para fundit.
Megjithatë, Manuela Vanegas ia siguroi tre pikët skuadrës kolumbiane, me golin e shënuar në minutën e shtatë të shtesës.
Në ndeshjen tjetër të Grupit H gjatë ditës, Maroku mposhti Korenë e Jugut 1:0.
Golin e vetëm e shënoi Ibtissam Jraidi, në minutën e gjashtë.
Edhe
Haaland shkëlqen me “hat-trick” në fitoren e Norvegjisë
Kolumbia ka gjashtë pikë në këtë grup, ndërsa Gjermania e Maroku kanë nga tri pikë në dy ndeshje të luajtura.
Koreja e Jugut eliminohet. Mbetet në pozitën e fundit, pa pikë.
