Neymari e ka kaluar Pelen dhe është bërë golashënuesi më i mirë i Brazilit.
Ai shënoi dy herë në fitoren 5:1 përballë Bolivisë të shtunën.
31-vjeçari, i cili në kualifikimet për Kupën e Botës hyri me 77 gola të shënuar me fanellën braziliane, aq sa kishte Pele gjithsej, humbi penalltinë para se të realizonte dy herë në pjesën e dytë, në paraqitjen e 125-të.
“Nuk e kam imagjinuar asnjëherë këtë rekord. Nuk jam më i mirë i mirë se Pele apo se ndonjë lojtar tjetër”, ka thënë ai.
Marta ka shënuar 122 gola në 189 ndeshje për Brazilin në konkurrencën e femrave.
Edhe
Goli i 77-të për Neymarin, barazon rekordin e Peles
Pele, i cili vdiq në dhjetor në moshën 82-vjeçare, shënoi 77 gola në 92 paraqitje, prej vitit 1957 deri në vitin 1971.
Ai është vlerësuar si një prej lojtarëve më të mëdhenj në historinë e futbollit.
Neymari u bë lojtari më i shtrenjtë në botë kur iu bashkua PSG-së nga Barcelona në vitin 2017 për 222 milionë euro.
Nga PSG-ja u transferua te skuadra Al-Hilal në Arabinë Saudite.
Edhe
Neymar: Koha ime ka kaluar
Kualifikimet me fitore në Amerikën e Jugut i ka nisur edhe Uruguai që mposhti Kilin 3:1.
Uruguai udhëhiqet nga ish-trajneri i Leeds Unitedit, Marcelo Bielsa.
