Newcastle Unitedi ka siguruar shërbimet e sulmuesit premtues Garang Kuol. Ekipi anglez të premten ka zyrtarizuar transferimin e 18-vjeçarit nga ekipi australian Central Coast Mariners.
Detajet e marrëveshjes nuk janë bërë të ditura, por Kuol do t’i bashkohet Newcastlet në muajin janar të vitit të ardhshëm. Sulmuesi i ri ishte njëri prej futbollistëve më premtues në A-League të Australisë, ndërsa me ekipin e parë të Marinersave ka debutuar vitin e shkuar.
Ai këtë edicion ka shënuar katër gola në tetë paraqitje, ndërsa kishte kontratë deri në verën e vitit 2024.
