Burnley të premten mbrëma e siguroi edhe zyrtarisht inkuadrimin në Premier League, pas fitores 2:1 në udhëtim te Middlesbrough.
Në festën e skuadrës së Burnleyt që rikthehet në Premier League pas një sezoni, nuk mungoi as flamuri i Kosovës.
Portieri i “Dardanëve”, Arijanet Muriq, ka qenë i padiskutueshëm në formacionin e trajnerit Vincent Kompany dhe është vlerësuar lartë për paraqitjet e tij.
Muriq 24-vjeçar nga 40 ndeshje sa i ka zhvilluar Burnley sivjet në rangun e dytë të futbollit anglez, ka mbrojtur portën në 37 ndeshje.
Në 16-të raste e ka mbajtur portën e paprekur, kurse ka pranuar 29 gola gjithsej.
Burnley kthehet në Premier League pasi ka arkëtuar 87 pikë, shtatë xhiro pa përfunduar kampionati.
