Napoli është në kërkim të një portieri që do ta zëvendësojë të larguarin Pepe Reina në drejtim të Milanit.
Emri që po përmendet së fundi është ai i portierit meksikan, Guillermo Ochoa, i cili mbron portën e skuadrës belge, Standart Liege.
Trajneri i ri i napolitanëve, Carlo Ancelotti, ka kërkuar që klubi të transferojë një portier me kualitet, që do ta mbrojë portën e Napolit për edicionin e ardhshëm, transmeton KTV.
Ochoa ka kontratë me belgët deri në verën e vitit 2019 dhe nankampioni i Italisë nuk do të duhet të shpenzojë shumë për ta sjellë në skuadër portierin meksikan.
