Qendërmbrojtësi Shkodran Mustafi do të largohet nga skuadra e Arsenalit në fund të këtij edicioni, kur edhe i skadon kontrata me ekipin nga Londra.
Mediumet angleze kanë raportuar të hënën, se Mustafi ka refuzuar ofertën e Arsenalit për kontratën e re duke paralajmëruar klubin se do të largohet verën tjetër si futbollist i lirë. Mësohet se Arsenali i kishte ofruar Mustafit kontratë të re trevjeçare, por ai është i vendosur që edicionin e ardhshëm të jetë pjesë e ndonjë ekipi tjetër.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Shkodran Mustafi dëshiron që karrierën ta vazhdojë diku tjetër. Ai së fundi ka refuzuar kontratën e re të klubit, duke paralajmëruar se do të largohet në fund të sezonit si lojtar i lirë”, ka shkruar “The Sun”.
Mustafi këtë edicion ka vetëm një paraqitje tek Arsenali. Të dielën u kthye nga lëndimi që e mbajti për disa muaj jashtë fushës.
Ai është pjesë e Arsenalit që nga viti 2016 kur u transferua nga Valencia për 41 milionë euro. Së fundi, Mustafi ishte kërkuar nga Lazio e Napoli.