Mesfushori gjerman, Mario Goetze, ka gjasa të mëdha që karrierën ta vazhdojë në Serie A. “Goal” ka raportuar të enjten se skuadra e Milanit ka shprehur interesim për shërbimet e tij. Madje, thuhet se Milani është i gatshëm ta paguajë klauzolën e tij të lirimit nga PSV Eindhoveni prej pesë milionë eurosh.
Goetze është i interesuar të jetë pjesë e Milanit dhe tek ekipi italian po shihet si përforcim i duhur për mesfushën.
29-vjeçari ka pasur një sezon fantastik te PSV-ja, ku ka shënuar 12 gola dhe ka asistuar 11 herë në të gjitha garat. Ai ka kontratë me ekipin holandez deri në vitin 2024.
