Milani ka konfirmuar se Alessandro Florenzi do ta nisë rehabilitimin menjëherë, pas operimit të suksesshëm në gjurin e majtë.
Italiani pësoi dëmtim në menisk në duelin e së hënës kundër Bolognas në Serie A. I është dashur operimi dhe një gjë e tillë është përfunduar me sukses të mërkurën gjatë ditës.
31-vjeçari ka shënuar një gol në 27 paraqitje në të gjitha garat këtë edicion. Ishte pjesë e Italisë që e fitoi Kampionatin Evropian në verë, por dështoi të kualifikohej në Botëroin e Katarit sivjet.
Kontrata e tij me “rossonerët” skadon në qershor të vitit 2023.
Artikuj të ngjashëm