Kampioni i Italisë, Milani ka arritur marrëveshje me Club Bruggen për transferimin e mesfushorit Charles De Ketelaere. “Sky” ka njoftuar të martën se gjatë kësaj jave Milani do ta zyrtarizojë 21-vjeçarin.
Për kartonin e tij, Milani është pajtuar të paguajë 30 milionë euro dëmshpërblim. Ndërsa, De Ketelaere me ekipin italian do të firmos kontratë afatgjate.
De Ketelaere është produkt i akademisë së Brugget kurse me ekipin e parë luan prej sezonit 2019/20.
Ai ka tetë ndeshje dhe një gol të shënuar me Belgjikën.
