Kampioni në fuqi i turneut “US Open”, Daniil Medvedev, ka kaluar në raundin e katërt dhe do të takohet me australianin Nick Kyrgios.
Medvedevi fitoi në meçin e fundit 3:0 në sete ndaj kinezit Wu Yibing, 6:4, 6:2 dhe 6:2.
Rusi ishte shumë më i fortë se kundërshtari i tij 22-vjeçar.
Wu ishte kinezi i parë në histori të garës që u kualifikua deri në raundin e tretë të turneut “US Open”.
Medvedevi po synon të bëhet tenisti i parë që fiton këtë turne dy herë rresht.
Një gjë të tillë e kishte bërë Roger Federeri. Megjithatë, zvicerani Federeri kishte fituar pesë herë rresht, nga viti 2004 deri në vitin 2008.
