Blaise Matuidi, fitues i Kupës së Botës dhe një prej lojtarëve më të mirë te Paris Saint-Germaini dhe Juventusi, ka njoftuar për pensionimin nga futbolli.
Ai i ka dhënë fund karrierës së pasur si lojtar në moshën 35-vjeçare.
Mesfushori francez e bëri publik lajmin në rrjetet sociale të premten me një mesazh emocionues.
“Futboll, të kam dashur shumë. Futboll, më ke dhënë shumë por ka ardhur koha të them mjaftë. I kam realizuar ëndrrat fëmijërore, ëndrrat si i rritur”, ka shkruar ndër të tjera Matuidi, ndërsa ka publikuar edhe intervistën 30-minutëshe ku flet për karrierën e tij.
Matuidi pjesën më të madhe të karrierës e kaloi në Serie A dhe Ligue 1. Ka shtatë liga të fituara me dy klube dhe ka pesë paraqitje për Francën në Botërorin 2018.
Edhe
Pedro tërhiqet nga futbolli
Më dy sezonet e fundit luajti në ligën MLS për Inter Miamin.
699 ndeshje i zhvilloi në nivel klubesh, ndërsa 75 të tjera me Francën.
