Qendërmbrojtësi LIsandro Martinez pritet së shpejti të firmosë kontratë të re me Manchester Unitedin, ka njoftuar “Sky Sports” të premten.
Mësohet se drejtuesit e klubit anglez kanë vendosur ta shpërblejnë argjentinasin me kontratë të re pas paraqitjeve të mira që i ka treguar këtë edicion.
Palët kanë nisur negociatat dhe marrëveshja do të finalizohet me të përfunduar edicioni aktual, ndërsa Martinez me kontratën e re do të jetë pjesë e Unitedit deri në vitin 2028.
Ai do të ketë edhe opsionin e vazhdimit edhe për një vit tjetër dhe pagë më të lartë.
25-vjeçari iu bashkua Unitedit verën e shkuar nga Ajaxi dhe firmosi deri në vitin 2027, ndërsa në edicionin e tij të parë regjistroi 45 paraqitje dhe kontribuoi me 1 gol.
Artikuj të ngjashëm